İran Britaniyaya nota verib

İran Britaniyaya nota verib

Böyük Britaniyanın Tehrandakı səfiri etiraz aksiyalarının kadrlarını çəkərkən saxlanılıb

 

İran Böyük Britaniyaya  nota verib.

 

AYNA-nın APA-ya istinadən məlumatına görə, Böyük Britaniyanın Tehrandakı səfiri Robert Makeyr İran XİN-ə çağrılıb.

 

Səfirə diplomatik qaydalara zidd və   qanunsuz  toplantıya qatılmasına görə özünə və təmsil etdiyi dövlətə etiraz notası verilib. R. Makeyrə 1961-ci il Vyana Konvensiyasına zidd olaraq qanunsuz toplantıda iştirak etdiyi açıqlanıb və Britaniya hökumətindən bu haqda izahat tələb olunub.

 

Qeyd edək ki, R. Makeyr ötən gün Tehran Universiteti qarşısında və paytaxtda keçirilən etiraz aksiyalarının kadrlarını çəkərkən saxlanılıb. Səfir bir neçə saat saxlanıldıqdan sonra İran XİN-in müdaxiləsi nəticəsində azad edilib.

Müəllif: Ayna.az      12 Yanvar 2020 18:37
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin