Oqtay Gülalıyev əməliyyat olundu

Oqtay Gülalıyev əməliyyat olundu

Oqtay Gülalıyevin vəziyyəti hazırda stabildir

 

Türkiyədə müalicəsi davam edən hüquq müdafiəçisi Oqtay Gülalıyev bu gün əməliyyat olunub.

 

AYNA xəbər verir ki, Gülalıyevin əməliyyatı 3 saat davam edib. Bu barədə məlumatı hüquq müdafiəçisinin oğlu Əli Gülalıyev yayıb. Gülalıyevin həkimi Mehdi Sasaninin bildirdiyinə görə, əməliyyat uğurlu keçib. Başında yaranmış artıq suyun çəkilməsi üçün beyninin sağ tərəfinə şunt qoyulub. Vəziyyəti hazırda stabildir.

 

Xatırladaq ki, Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın tapşırığına əsasən, noyabrın 4-dən etibarən Oqtay Gülalıyevin müalicəsinə Fond tərəfindən müvafiq kömək göstərilir. Hazırda onun müalicəsi Türkiyənin Amerikan Xəstəxanasında davam edir. Bugünkü əməliyyat da məhz fondun dəstəyi ilə baş tutub.

Müəllif: Ayna.az      10 Yanvar 2020 20:44
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin