“Bibiheybət yolu”nda hərəkət istiqaməti dəyişdiriləcək

“Bibiheybət yolu”nda hərəkət istiqaməti dəyişdiriləcək

Sürücülərdən sözügedən yolda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur

 

Müntəzəm sərnişindaşıma ilə məşğul olan avtobusların, həmçinin digər nəqliyyat vasitələrinin təhlükəsiz hərəkətinin təmin olunması məqsədi ilə “Bibiheybət yolu”nda hərəkət istiqaməti dəyişdiriləcək. Bu barədə AYNA-ya Azərbaycan Avtomobil Yolları Dövlət Agentliyindən (AAYDA) məlumat verilib.

 

Bildirilib ki, yanvarın 10-11-i tarixlərində sözügedən ərazidə AAYDA-nın və Bakı Nəqliyyat Agentliyinin (BNA) birgə hazırladığı layihə əsasında zəruri nişanlanma və xətlənmə işləri aparılacaq: “Sürücülərdən qeyd olunan tarixlərdə sözügedən yolda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur”.

 

“Nişanlanma və xətlənmə işləri bitdikdən sonra 2019-cu ilin dekabrın 31-də şəhər istiqaməti üzrə açılmış 2 hərəkət zolağından birinin sırf avtobuslar üçün ayrılması nəzərdə tutulur. Bununla da sözügedən ərazidə avtobusların hərəkəti ilə bağlı yaşanan problem aradan qaldırılmış olacaq”, - deyə qurumun məlumatında qeyd olunub.

Müəllif: Ayna.az      10 Yanvar 2020 14:02
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin