Azərbaycanda bir bələdiyyəyə seçkilərin nəticələri ləğv edildi

Azərbaycanda bir bələdiyyəyə seçkilərin nəticələri ləğv edildi

Dekabrın 23-də Azərbaycanda bələdiyyə seçkiləri keçirilib 

 

Mərkəzi Seçki Komissiyasının (MSK) bugünkü iclasında dekabrın 23-də keçirilən bələdiyyə seçkiləri ilə əlaqədar müraciətlərə baxılıb.

 

AYNA "Report"a istinadən xəbər verir ki, iclasda 69 saylı Cəlilabad-Masallı-Biləsuvar seçki dairəsi Ağdaş bələdiyyəsinin 8 və 10 saylı seçki məntəqələrində seçicilərin iradəsini müəyyənləşdirməyə imkan verməyən bəzi qanun pozuntuları ilə bağlı müraciət dinlənilib.

 

MSK nəzdində Ekspert qrupunun üzvü şikayəti araşdırıb və müraciətdə qeyd olunanlar öz təsdiqini tapıb.

 

MSK üzvlərinin müzakirəsindən sonra qərara alınıb ki, Ağdaş bələdiyyəsinin 8 və 10 saylı seçki məntəqəsində səsvermənin nəticəsi ləğv edilsin. Seçki Məcəlləsinin tələbinə uyğun olaraq, bu iki məntəqənin nəticələri ləğv edildiyindən Ağdaş bələdiyyəsi üzrə səsvermənin nəticəsi də etibarsız hesab olunub.

Müəllif: Ayna.az      31 Dekabr 2019 16:54
Siyasət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin