AMEA-nın birinci vitse-prezidentləri seçildi, yeni heyət açıqlandı

AMEA-nın birinci vitse-prezidentləri seçildi, yeni heyət açıqlandı

Yeni tərkib səsverməyə çıxarılaraq təsdiq edilib

 

Xəbər verdiyimiz kimi, bu gün Azərbaycan Milli Elmlər Akademiyası (AMEA) Rəyasət Heyətinin binasında Akademiyanın ümumi yığıncağı keçirilib. 

 

AYNA xəbər verir ki, illik yığıncaqda AMEA-nın birinci vitse-prezidentləri seçilib. Səsvermənin nəticəsini Hesablama Komissiyanın sədri Urxan Ələkbərov açıqlayıb.

 

Səsvermənin nəticəsinə görə, İsa Həbibbəyli və İbrahim Quliyev 55 səslə AMEA-nın birinci vitse-prezidentləri seçiliblər. 

 

Gizli keçirilən səsvermədə İsa Həbibbəyli humanitar və ictimai elmlər üzrə birinci vitse-prezident vəzifəsinə, İbrahim Quliyev isə təbiət elmləri və dəqiq elmlər üzrə birinci vitse-prezident seçilib.

 

Ramiz Mehdiyev hər iki birinci vitse-prezidenti təbrik edib.

 

Ramiz Mehdiyev, həmçinin Azərbaycan Milli Elmlər Akademiyası Rəyasət Heyətinin yeni tərkibini açıqlayıb.  Bildirib ki, yeni tərkib 11 nəfərdən ibarətdir: 

 

- Akademiyanın prezidenti akademik Ramiz Mehdiyev

- Birinci vitse-prezident akademik İsa Həbibbəyli

- Birinci vitse-prezident akademik İbrahim Quliyev

- Vitse-prezident akademik Tofiq Nağıyev

- Vitse-prezident akademik Dilqəm Tağıyev

- Vitse-prezident akademik Nərgiz Paşayeva

- Vitse-prezident akademik İradə Hüseynova

- Vitse-prezident akademik Rasim Əliquliyev

- Akademik katib akademiyanın müxbir üzvü Əminağa Sadıqov

- Akademiyanın Naxçıvan büro bölməsinin sədri akademik İsmayıl Hacıyev

- Akademiyanın Gəncə bölməsinin sədri akademik Fuad Əliyev

 

Yeni tərkib səsverməyə çıxarılaraq təsdiq edilib. 

 

Qeyd edək ki, bugünkü yığıncağın gündəliyinə “Azərbaycan Milli Elmlər Akademiyasının 2020-2025-ci illər üçün inkişaf proqramı”, AMEA-nın Nizamnaməsində dəyişiklik edilməsi, AMEA-nın Nizamnamə komissiyasının sədrinin və tərkibinin təsdiq edilməsi və akademiyanın birinci vitse-prezidentlərinin seçkiləri məsələləri daxil edilmişdi.

Müəllif: Ayna.az      28 Dekabr 2019 14:30
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin