SSRİ Xalq artisti vəfat etdi

SSRİ Xalq artisti vəfat etdi

Ölümə səbəb onun ağciyərlərinin ikitərəfli iltihabı olub

 

SSRİ Xalq artisti, Moskvanın “Sovremennik” teatrının bədii rəhbəri, aktrisa Qalina Volçek 86 yaşında dünyasını dəyişib.

 

AYNA “Qafqazinfo”ya istinadən xəbər verir ki, dekabrın 23-də o, təcili yardım maşını ilə xəstəxanaya çatdırılıb. Buna səbəb onun ağciyərlərinin ikitərəfli iltihabı olub. Həkimlərin səylərinə baxmayaraq, sənətçi həyatını itirib.

 

Qeyd edək ki, Qalina Volçek 1933-cü ildə Moskva şəhərində anadan olub. O, 1971-ci ildə “Sovremennik” teatrının baş rejissoru, daha sonra bədii rəhbəri vəzifəsinə təyin edilib. Aktrisa “Don Kixot”, “Avtomobildən qorun” və “Payız marafonu” filmlərində rol alıb.

 

Ömrünün son illərində Volçek kinoda, demək olar, çəkilmirdi və teatr quruluşlarında iştirak etmirdi.

Müəllif: Ayna.az      26 Dekabr 2019 23:12
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin