Onlar 6 metr məsafədən xəstəliyə yoluxdura bilirlər – XƏBƏRDARLIQ

Onlar 6 metr məsafədən xəstəliyə yoluxdura bilirlər –       XƏBƏRDARLIQ

Həkim: “Qripə yoluxan xəstələr 3 gün ərzində məktəbə, işə getməməlidirlər”

 

Payız-qış mövsümü gəldisə, qrip qapımıza dayanır. Hazırda da hər beş nəfərimizdən üçü bu virusdan əziyyət çəkir. Dava-dərman etməyimizə baxmayaraq, xəstəlik günlərlə canımızdan çıxmır.

 

Qrip virusu, onun geniş yayılma səbəbləri və qorunma yolları barədə AYNA-nın suallarını həkim-epidemioloq Nüsrət Kərimov cavablandırıb.

 

- Doktor, sanki bu il qripə yoluxanların sayı əvvəlki illərlə müqayisədə daha çoxdur. Bunun nə ilə izah etmək olar?

 

- Əvvəlki illərə nisbətən qripin çoxalmasının, daha geniş yayılmasının səbəbi orqanizmin immun sisteminin aşağı düşməsidir. C vitamini tərkibli qidalar qəbul edilmədiyi üçün qrip xəstəliyi kütləvi hala çevrilir. Qrip süzülən virusdur, orqanizm özü məhv edir. Orqanizmə antibiotiklər tərəfindən müdaxilə olunduqda qrip öz ştampını, formasını dəyişir. Həmin antibiotikə qarşı antitellər yaranır, ona uyğunlaşmalar verdiyinə görə orqanizmin məhvetmə qabiliyyətini zəiflədir.

 

Qrip xəstəliyi hava damcı üsulu ilə keçir. Orqanizm tərəfindən məhv olunur. Heç bir antibiotik, heç bir dərman preparatı kömək etmir. Qrip xəstəliyinin qarşısını almaq üçün orqanizmin immun gücünü artırmaq lazımdır. C tərkibli meyvə-tərəvəz qəbul etmək lazımdır.

- Hansı yaş qrupunda qripə yoluxma hallarına daha çox rast gəlinir?

 

- Ümumiyyətlə, 11 yaşına qədər olan uşaqların qış rejimində, havalar soyuyan zamanı immun sistemi zəifləyir. Meyvə-tərəvəz, C vitamini tərkibli qida qəbulları azadlığına görə virus epidemiya şəklində yayıla bilər. Qrip xəstəliyi ümumiyyətlə ilk gündən üç gün müddətinə kimi asqırdıqda, 6 metr məsafədən ətraf mühitə yayılır və hansı insanın orqanizmi zəifdirsə, tez bir zamanda o adamı yoluxdurur. Yuxarı tənəffüs orqanlarını zədələyir.

 

- Ömüzü qripdən necə qoruyaq?

 

- Qrip xəstəliyindən qorunmaq üçün məktəblərdə, ictimai yerlərdə işləyənlər üç gün müddətində dərslərdən, işdən azad edilməlidir. Nəfəs yollarının infeksiyası olduğuna, tez yayıldığına görə kollektivdən təcrid olunmalıdırlar. Bunun üçün də yerli müəssisələrə, poliklinikalara müraciət olunmalıdır, sahə həkimləri, epidimoloqlar məktəblərin qarşısında afişalar asmalıdırlar ki, qripə yoluxan şəxslər üç gün müddətində dərs və ya kollektiv işlərdən uzaq olmalıdırlar. Sağalana, yoluxduruculuq dövrü bitinə qədər kollektiv içərisindən təcrid olunmalıdırlar. Beləliklə qrip xəstəliyinin qarşısını almaq mümkündür.

 

Qripin qarşısını almağın ilk yolu C vitamini tərkibli meyvələr və ərzaqlarla qidalanmaqdır. SSRİ dövründə qrip xəsətliyinin qarşısını almaq üçün uşaqlar vitaminterapiya olunurdu. Məktəblilərin qəbul etməsi üçün həb şəklində C vitaminləri paylanılırdı.

Müəllif: Ülviyyə Şahin      26 Dekabr 2019 10:17
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin