İsmayıl Şıxlının 100 illik yubileyinə həsr olunan tədbir keçirilib

İsmayıl Şıxlının 100 illik yubileyinə həsr olunan tədbir keçirilib

Tədbirdə Xalq yazıçısının yaradıcılığına aid videoreportajlar, “Dəli Kür” filmindən fraqmentlər nümayiş etdirilib

 

TEAS Press Nəşriyyat Evinin əmtəə nişanı olan “3 alma”nın təşkilatçılığı ilə Avropa Azərbaycan Məktəbində Azərbaycanın Xalq yazıçısı, görkəmli publisist İsmayıl Şıxlının 100 illiyinə həsr olunan növbəti tədbir keçirilib. AYNA xəbər verir ki, məktəbin müəllim və şagird heyətinin iştirak etdiyi tədbirdə yazıçının övladları Elçin Şıxlı, Fərrux Şıxlı, həmçinin uşaq yazıçıları Zahid Xəlil, Reyhan Yusifqızı və Mürşüd İsmayılzadə də iştirak edib.

 

Tədbir boyu İsmayıl Şıxlı yaradıcılığına aid videoreportajlar, “Dəli Kür” filmindən fraqmentlər nümayiş etdirilib, iştirakçılara yazıçı barədə ətraflı məlumatlar verilib.

Qeyd edək ki, yubiley ili çərçivəsində “3 alma” tərəfindən dahi yazıçının cəbhə xatirələri və hekayələrindən ibarət “Məni itirməyin” adlı kitabı çap edilib.

 

Bundan başqa, bir sıra intellektual oyunlarda sualların müəllifi və uşaq yazıçısı Mürşüd İsmayılzadə də maraqlı və düşündürücü suallarla şagirdlərin dünyagörüşünü yoxlayıb. Suallara düzgün cavab verənlər “3 alma” tərəfindən kitablarla mükafatlandırılıb.

Xatırladaq ki, bu, Xalq yazıçısı İsmayıl Şıxlının 100 illik yubileyi münasibəti ilə “3 alma” tərəfindən həyata keçirilən ikinci tədbirdir.

Müəllif: Ayna.az      25 Dekabr 2019 14:40
Mədəniyyət bölməsinə aid digər xəbərlər
Ən çox oxunanlar