Böyük Qafqazın zirvəsində Azərbaycan bayrağı dalğalandırılıb - FOTO, VİDEO

Böyük Qafqazın zirvəsində Azərbaycan bayrağı dalğalandırılıb -         FOTO, VİDEO

Azərbaycan Ordusunun “Əbədiyaşar Ali Baş Komandan” ekspedisiyası başa çatıb

 

Müdafiə naziri general-polkovnik Zakir Həsənovun tapşırığına əsasən, Azərbaycan Ordusunun bütün qoşun növləri, Əlahiddə Ümumqoşun Ordusu, hərbi birlik və birləşmələr, xüsusi təyinatlı hərbi təhsil müəssisələrində mərhum Prezident Heydər Əliyevin anım günü ilə əlaqədar silsilə tədbirlər keçirilib.

 

Müdafiə Nazirliyinin (MN) mətbuat xidmətindən AYNA-ya verilən məlumata görə, tədbirlər çərçivəsində Müdafiə nazirinin müvafiq əmri ilə hərbi alpinistlərimizin “Əbədiyaşar Ali Baş Komandan” adlı ekspedisiyası təşkil olunub.

 

Ekspedisiya zamanı hərbi alpinistlər polkovnik-leytenant Zal Nəbiyev və baş leytenant Ülvi Məmmədli respublikamızın ərazisində yerləşən Böyük Qafqaz dağ silsiləsinin ikinci ən yüksək zirvəsi olan “Şahdağ” (4243 m) və “Heydər Əliyev” (3763 m) zirvələrinə qalxaraq orada Azərbaycan Ordusunun və Hərbi Hava Qüvvələrinin bayraqlarını dalğalandırıblar.

Fotoları təqdim edirik
Müəllif: Ayna.az      19 Dekabr 2019 14:02
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin