Pulsuz səhiyyə xidməti özünü doğrultmadı – NAZİRLİK

Pulsuz səhiyyə xidməti özünü doğrultmadı –       NAZİRLİK

Nazir müavini: “Səhiyyə müəssisələrinin hansısa qurumun tərkibində olması vacib deyil”

 

“Pulsuz səhiyyə xidməti dövlət üçün böyük yük və həddindən artıq böyük problemdir. Dünyanın inkişaf etmiş ölkələrində əhali icbari tibbi sığorta ilə müalicə olunur”.

 

AYNA xəbər verir ki, bunu jurnalistlərə açıqlamasında Səhiyyə nazirinin müavini Rahim Əliyev deyib. O bildirib ki, səhiyyə müəssisələrinin Səhiyyə Nazirliyinin və ya başqa qurumun tərkibində olması vacib deyil.

 

“Pulsuz səhiyyə özünü doğrultmayıb. Səhiyyə müəssisələrinin hansı qurumun tabeliyində olmasından asılı olmayaraq, tibbi sığorta ilə əhaliyə göstəriləcək səhiyyə xidmətlərinin keyfiyyəti yüksələcək”, - nazir müavini qeyd edib.

 

“Nazirlik dövlətin səhiyyə siyasətini daim yürüdür və yürüdəcək. Tibb müəssisələrinin mərhələli şəkildə İcbari Tibbi Sığorta üzrə Dövlət Agentliyinə verilməsi 2020-ci il ərzində davam etdiriləcək”, - R.Əliyev vurğulayıb.

Müəllif: Ayna.az      19 Dekabr 2019 11:36
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin