"Türkiyə sanksiyalara cavab verəcək" - Çavuşoğlu

"Türkiyə sanksiyalara cavab verəcək" -     Çavuşoğlu

"Türkiyə ABŞ-ın əvvəlki kimi müttəfiqimiz olmasına inanır"

 

Türkiyənin xarici işlər naziri Mövlud Çavuşoğlu ölkənin ABŞ-ın "ZRK Patriot" zenit-raket komplekslərini almağa hazır olduğunu bildirib.

 

AYNA "Report"a istinadən xəbər verir ki, bu barədə nazir Dohada (Qətər) keçirilən işgüzar forumda bildirib.

 

"Türkiyə ABŞ-ın əvvəlki kimi müttəfiqimiz olmasına inanır və biz onların müttəfiqiyik. Heç kim S-400 alması üzrə Rusiya ilə sazişi ləğv edə bilməz, bu baş tutmuş sazişdir. Rusiyanın təklifi daha çox əlverişli idi. İndi biz Amerikanın "Patriot" sistemlərini almağa hazırıq və Birləşmiş Ştatlardan cavab gözləyirik", - Çavuşoğlu deyib.

 

Nazir həmçinin xəbərdarlıq edib ki, Türkiyə ona qarşı Rusiyanın S-400 zenit-raket sistemlərini almasına görə tətbiq edilmiş istənilən sanksiyalara cavab verəcək.

Müəllif: Ayna.az      15 Dekabr 2019 09:35
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin