Rayonlara qar yağıb

Rayonlara qar yağıb

Hava şəraiti qeyri-sabit keçib, yağış yağıb, bəzi yerlərdə intensiv olub

 

Dekabrın 9-u saat 10:00-a olan məlumatına əsasən ölkə ərazisində hava şəraiti qeyri-sabit keçib, yağış yağıb, bəzi yerlərdə intensiv olub, dağlıq ərazilərdə qar yağıb. AYNA bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına istinadən xəbər verir.

 

Məlumata görə, düşən yağıntının miqdarı Zabratda 20 mm (aylıq normanın  68 faizi), Sumqayıtda 16 mm (aylıq normanın 60 faizi), Maştağada 14 mm  (aylıq normanın  41 faizi), Bakıda 13 mm  (aylıq normanın 44 faizi), Binədə 11 mm (aylıq normanın  38 faizi), Neft Daşlarında 14 mm (aylıq normanın 66 faizi), Çilov adasında 3 mm, Pirallahıda 2 mm, Naxçıvan MR-da 3-12 mm, Lənkəran-Astara zonasında 2-6 mm, Mərkəzi Aran rayonlarında və Balakən-Şəki bölgəsində 1-8 mm olub.

 

Qar örtüyünün hündürlüyü Ağdərədə 9, Daşkəsəndə 6, Qırızda 4, Gədəbəy, Şahdağda 2, Sarıbaş, Göygöldə 1 sm təşkil edib.

Müəllif: Ayna.az      9 Dekabr 2019 11:26
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin