Sərhədçilərimiz and içiblər

Sərhədçilərimiz and içiblər

Dövlət Sərhəd Xidmətinin gənc əsgərlərinin andiçmə mərasimi keçirilib

 

30 noyabr 2019-cu il tarixdə Dövlət Sərhəd Xidmətinin (DSX) Yevlax şəhərində yerləşən hərbi hissəsində gənc əsgərlərin andiçmə mərasimi keçirilib. DSX-nın Mətbuat Mərkəzindən AYNA-ya verilən məlumata görə, dövlət himninin səslənməsi ilə başlayan mərasimdə, gənc əsgərlər hərbi andı qəbul etdikdən sonra, tədbir iştirakçılarına Xidmətin rəisi gеnеral-polkovnik Еlçin Quliyеvin təbriki çatdırılıb.

Tədbirdə Dövlət Sərhəd Xidmətinin şəxsi heyətinin ölkəmizin ərazi bütövlüyününün bərpası, işğal altında olan torpaqlarımızda Azərbaycanın suveren hüquqlarının təmin edilməsi və həmin ərazilərdə dövlət sərhədlərinin mühafizəsinin Azərbaycanın dövlət bayrağı altında təşkil ediləcəyinə əminlik ifadə edilib. Eyni zamanda Ermənistan ilə dövlət sərhədinin Qazax və Ağstafa rayonları ərazisindən keçən hissəsinin mühafizəsinin Dövlət Sərhəd Xidmətinə həvalə olunması şərəf və qürur olmaqla yanaşı, Ali Baş Komandanın Azərbaycan sərhədçisinə olan etimad və etibarının ifadəsi kimi dəyərləndirilib.

Mərasim gənc əsgərlərin təntənəli marşla tribuna önündən keçidi ilə başa çatıb.

Müəllif: Ayna.az      2 Dekabr 2019 13:00
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin