"Azərbaycan əsgərinin həlak olması növbəti dezinformasiyadır" - Müdafiə Nazirliyi

"Azərbaycan əsgərinin həlak olması növbəti dezinformasiyadır" -     Müdafiə Nazirliyi

MN: "Qarşı tərəfi bu kimi addımlardan çəkinməyə çağırırıq"

 

"Ermənistan mətbuatının guya cəbhənin Ağdam istiqamətində Azərbaycan Ordusunun Həşimov Səbuhi Səttarxan oğlu adında hərbi qulluqçusunun həlak olması barədə yaydığı məlumat növbəti dezinformasiyadır"

 

Bu barədə Azərbaycan Müdafiə Nazirliyinin Mətbuat Xidməti AYNA-ya bildirib.

 

"Rəsmi olaraq bildiririk ki, Azərbaycan Ordusu cəbhədə itki verməyib və ümumiyyətlə, bu ad və soyadda hərbi qulluqçumuz yoxdur.

 

Son günlər cəbhə xəttindəki vəziyyətlə bağlı Ermənistan tərəfi bir neçə dəfə yalan məlumat yaymaqla gələcək təxribatları üçün zəmin yaratmaq niyyətindədir. Qarşı tərəfi bu kimi addımlardan çəkinməyə çağırır və düşməni onun istənilən fəaliyyətinin qarşısının Azərbaycan Ordusunun bölmələri tərəfindən dərhal və qətiyyətlə alınacağı barədə xəbərdar edirik", - nazirlikdən əlavə olunub.

 

Müəllif: Ayna.az      30 Noyabr 2019 13:18
Siyasət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin