AYNA-nın işıqlandırdığı problemə rəsmi reaksiya verildi

AYNA-nın işıqlandırdığı problemə rəsmi reaksiya verildi

Etibar Axundov: “Gücümüz çatan qədər iş görməyə çalışırıq"


Ağdaşda qəzalı vəziyyətdə olan Qarabəy karvansarayının problemi ilə bağlı bir neçə gün öncə xəbər vermişdik.

 

Belə ki, rayonun əsas tarixi abidələrindən biri olan və 1900-cü ildə inşa olunan karvansarayın diqqətdən kənarda qalması burda yaşayanları narahat edirdi.

 

Bu baxımdan da problemi yerində araşdırmaq üçün Ağdaşa üz tutmuş və Qarabəy karvansarayı haqqında reportaj hazırlamışdıq.

Məsələ ilə bağlı Mədəniyyət Nazirliyi Dövlət Xidmətində Mədəni İrsin Qorunmasına Nəzarət Şöbəsinin müdiri Etibar Axundov AYNA redaksiyasına zəng edərək Qarabəy karvansarayı ilə bağlı məlumat verib: “Biz 1 ildən çoxdur ki, Qarabayə baş çəkir və nəzarət edirik. Bunun üçün Ağdaş Rayon İcra Hakimiyyəti və digər səlahiyyətli dövlət qurumlarına da müraciət etmişik. Çalışırıq ki, bir işlər görək. Ağdaşda olan karvansara bizim diqqətimizdədir. Mən 3 dəfə həmin karvansarada olmuşam. Orda yaşayış binası kimi yerləşən mənzillərdə fiziki qüsurlu uşaqların olduğunu da bilirəm. Bir neçə il bundan əvvəl həmin yaşayış binasında yanğın olmuşdu və sakinlərdən birinin uşağı dünyasını dəyişmişdi. Bizim bunlardan xəbərimiz var və əziyyətini də çəkirik. Sadəcə gücümüz çatan qədər bu işləri görməyə çalışırıq”, - deyə qurum rəsmisi əlavə edib.

 

Müəllif: Mərahim Nəsib      27 Noyabr 2019 22:00
Mədəniyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin