Ronaldu komanda yoldaşlarından üzr istəmək üçün şam yeməyi təşkil edəcək

Ronaldu komanda yoldaşlarından üzr istəmək üçün şam yeməyi təşkil edəcək

Görüş noyabrın 23-də Berqamoda "Atalanta" ilə XIII tur matçından əvvəl baş tutmalıdır

 

İtaliya "Yuventus"unun futbolçusu Kriştianu Ronaldu A Seriyasında XII turun "Milan"la qarşılaşmasındakı davranışı səbəbindən komanda yoldaşlarından üzr istəməyi qərara alıb.

 

AYNA-nın "Report"a istinadən məlumatına görə, portuqaliyalı hücumçu həmklubları ilə birgə şam yeməyi planlaşdırır.

 

O, yemək vaxtı oyunçulara izahat verməyi düşünür. Görüş noyabrın 23-də Berqamoda "Atalanta" ilə XIII tur matçından əvvəl baş tutmalıdır.

 

Qeyd edək ki, "Yuventus"un baş məşqçisi Mauritsio Sarri Rusiya "Lokomotiv"i və "Milan"la son qarşılaşmaların gedişində Kriştianu Ronaldunu meydandan çıxarıb. Hər iki halda 34 yaşlı forvard Sarrinin əlini sıxmayıb. Əvəzləndikdən sonra o, paltardəyişmə otağına yollanıb. Orada isə Ronaldu görüşün bitməsini gözləmədən stadionu tərk edib. 

 

Müəllif: Ayna.az      18 Noyabr 2019 20:32
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin