Erkin Qədirli: “Bir şərtlə parlament seçkilərində iştirak edəcəyik”

Erkin Qədirli: “Bir şərtlə parlament seçkilərində iştirak edəcəyik”

“Dilə gətirdiyimiz bir şərt var - bu, ATƏT DTİHB-nin uzunmüddətli missiyasına aiddir”

 

ATƏT Demokratik Təsisatlar və İnsan Haqları Bürosunun (DTİHB) müşahidə missiyası dəvət olunmasa, ReAL Partiyası parlament seçkilərində iştirak etməyəcək. Bunu AYNA-ya açıqlamasında partiya təmsilçisi Erkin Qədirli deyib.

 

ReAL daxilindəki struktur islahatlarından danışarkən, E.Qədirli bildirib ki, başlanğıc üçün yeni bir qurultay keçirilməsi qərarına gəlinib: “Buna görə hazırkı İdarə Heyətini və Məclisi buraxdıq. Buna görə də indi özümü İdarə Heyətinin üzvü hesab edə bilmərəm. İndi yeni qurultayı gözləyirik. Sürətlə dəyişən şərtlər daxilində qərar qəbul edərkən daha çevik olmaq üçün prosedurları sadələşdirmək niyyətindəyik”.

 

“Partiya rəhbərliyinin bütün üzvləri bu qərarla razı deyil (Qeyd edək ki, ReAL-da yeni struktur dəyişiklikləri ilə razılaşmayanlardan biri istefa verən Məclis sədri Azər Qasımlı idi – red.). Bu mövzuda asan olmayan daxili müzakirələrimiz də oldu. Buna baxmayaraq, biz hazırda bunun üzərində işləyirik, razı və məmnun olmayan, hətta nəyin baş verdiyini anlamayan üzvləri inandırmağa çalışırıq”, - o vurğulayıb.

Müəllif: Nicat Hacıyev      7 Noyabr 2019 18:14
Siyasət bölməsinə aid digər xəbərlər
9 Avqust
14:08
Azərbaycanda koronavirusa 87 yeni yoluxma qeydə alınıb
9 Avqust
10:26
“Pandemiyanın növbəti mərhələlərində də dövlət dəstəyi gözlənilir” – DEPUTAT
8 Avqust
22:32
Operativ Qərargahın görmədiyi təhlükə
8 Avqust
19:00
Nazirlik “Günəş”ə cəza kəsib - FOTOLAR
8 Avqust
16:04
Azərbaycanda daha 105 nəfər koronavirusa yoluxub
Ən çox oxunanlar

Ən son xəbərləri səhifəmizdən də izləyin