Nazirlikdə könüllü qanvermə aksiyası keçirilib

Nazirlikdə könüllü qanvermə aksiyası keçirilib

Götürülmüş qan nümunələri də laboratoriyada bir daha müayinə edildikdən sonra həmin xəstələrə yardım üçün istifadə olunacaq

 

Əmək və Əhalinin Sosial Müdafiəsi Nazirliyində Azərbaycan Talassemiya Federasiyası ilə əməkdaşlıq çərçivəsində könüllü qanvermə aksiyası keçirilib.

 

AYNA xəbər verir ki, əvvəlcə xüsusi tibbi briqada tərəfindən donorların sağlamlıq vəziyyəti müəyyən edilib.

 

Aksiyada Nazirliyin Aparatının və struktur bölmələrinin əməkdaşlarından ibarət 100-ədək şəxs donor qismində iştirak edib, onlardan qan götürülüb.

 

“Donor günü” ilə əlaqədar təşkil olunan aksiyada məqsəd talassemiyalı və hemofiliyalı xəstələrə yardım etməkdən, onlar üçün qan ehtiyatını artırmaqdan ibarət olub.

Götürülmüş qan nümunələri də laboratoriyada bir daha müayinə edildikdən sonra həmin xəstələrə yardım üçün istifadə olunacaq.

Müəllif: Ayna.az      7 Noyabr 2019 19:41
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin