“Türkiyə Suriyada öz hədəfinə tam şəkildə çatacaq”

“Türkiyə Suriyada öz hədəfinə tam şəkildə çatacaq”

Politoloq: “Suriyada mövcud olan qüvvələr YPG-nin sıradan çıxarılmasında maraqlı deyil”

 

Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının (AKP) son iclasında ABŞ və Rusiyanı ittiham edib. O bildirib ki, Vaşinqton və Moskva ilə əldə olunan razışlaşmaların əksinə olaraq, YPG Suriya ərazisini hələ də tərk etməyib.

 

Ərdoğan, həmçinin onu da əlavə edib ki, ABŞ hələ də YPG ilə əməkdaşlıq edir: “Belə olan halda Türkiyə Suriya torpaqlarında fəaliyyətini, hərbi əməliyyatlarını davam etdirməli olacaq”.

 

Türkiyə hərbi əməliyyatlara yenidən start verə bilərmi? Yaxud, bu çıxış Türkiyənin ABŞ və Rusiya ilə münasibətlərinə necə təsir edəcək?

 

Mövzunu AYNA-ya şərh edən hərbi-siyasi icmalçı Ramil Məmmədli bildirib ki, YPG Suriyada maraq güdən ölkələr üçün əsas qüvvədir: “Bu, onu göstərir ki, Suriyada mövcud olan qüvvələr YPG-nin bu ölkədə tam sıradan çıxarılmasında maraqlı deyil. Həm ABŞ, həm də Rusiya Suriyada İranın güclənməsinə qarşı yeganə yerli qüvvə olaraq YPG-ni görür. Ona görə də YPG-nin məhv edilməsi prosesi uzadılır. Daha dəqiq desək, qarşısı alınır. Hesab edirəm ki, Türkiyə hərbi əməliyyatların miqyasını artırmağa məcbur olacaq. Daha dəqiq desək, Türkiyə təzyiqi artıracaq”.

Müəllif: Mərahim Nəsib      9 Noyabr 2019 12:50
Siyasət bölməsinə aid digər xəbərlər
9 Avqust
14:08
Azərbaycanda koronavirusa 87 yeni yoluxma qeydə alınıb
9 Avqust
10:26
“Pandemiyanın növbəti mərhələlərində də dövlət dəstəyi gözlənilir” – DEPUTAT
8 Avqust
22:32
Operativ Qərargahın görmədiyi təhlükə
8 Avqust
19:00
Nazirlik “Günəş”ə cəza kəsib - FOTOLAR
8 Avqust
16:04
Azərbaycanda daha 105 nəfər koronavirusa yoluxub
Ən çox oxunanlar

Ən son xəbərləri səhifəmizdən də izləyin