Azərbaycan millisi qrup qalibi oldu

Azərbaycan millisi qrup qalibi oldu

Azərbaycan və Slovakiya milliləri qrup qalibi adı üçün mübarizə aparıblar

 

Futzal üzrə dünya çempionatının əsas seçmə mərhələsində Avropa zonasının Bakıda keçirilən III qrupunun oyunlarına yekun vurulub.

 

AYNA-nın məlumatına görə, son oyun günü autsayderlərin matçı ilə başlayıb.

 

Elit-raund şansını itirənlərin duelində Monteneqro Moldova ilə qarşılaşıb. Balkanlılar 4:3 hesablı qələbə qazanıblar.

 

Növbəti mərhələyə vəsiqəni təmin edən Azərbaycan və Slovakiya milliləri isə qrup qalibi adı üçün mübarizə aparıblar. Matçın taleyi ikinci hissədə həll olunub.

 

Əvvəlki iki görüşdəki qolları ilə yığmamızın qələbələrində pay sahibi olan Bolinya 30-cu dəqiqədə hesabı açıb. Ardınca Vassoura fərqi iki topa çatdırıb. Bu, yığmamıza ardıcıl 3-cü qələbə və qrup qalibi adı qazandırıb.

 

Qeyd edək ki, millimiz bunadək Moldovanı 3:1, Monteneqronu 3:2 hesabı ilə məğlub edib.

 

III tur
26 oktyabr
Monteneqro – Moldova – 4:3
Slovakiya – Azərbaycan – 0:2
Bolinya, 30, Vassoura, 35

Müəllif: Ayna.az      26 Oktyabr 2019 21:55
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin