"Bu vətəndaşların da müflis olmuş bankdakı qorunmayan əmanətinin qaytarılmasına ehtiyac var"

"Bu vətəndaşların da müflis olmuş bankdakı qorunmayan əmanətinin qaytarılmasına ehtiyac var"

"Bu da o deməkdir ki, ümumi alacağı 18 min manat olan, amma əsas məbləği 15 min manat olan vətəndaşımızın da müflis olan bankdakı qorunmayan əmanətinin qaytarılmasına ehtiyac var"

 

Müflis olan banklarda məbləği 17 min manat və ya 10 min dollardan çox olmayan qorunmayan əmanətlərin qaytarılmasına başlanılıb. Həmin əmnaət sahiblərində qaytarılacaq əmanət məbləğinin necə hesablanması ilə bağlı suallar yaranıb. Soruşurlar ki, 17 min manat yalnız əsas əmanət məbləğinə aiddir, yoxsa bankın vətəndaşa olan ümumi borcuna?

 

İqtisadçı ekspert Vüqar Bayramov  yaranmış bu suallara aydınlıq gətirib: "Bəzi vətəndaşımız bankda 15 min manat yerləşdirib və onun əmanətinə 3 min manat divident hesablanıb və vətəndaşa olan cəmi ödənilməli məbləğ 18 min manat olub. Həmin vətəndaş faizləri götürmədiyi üçün bank müflis olan zaman ona olan borc 17 min manatdan çox, yəni 18 min manat olub. Sığortalanmayan əmanətlərin qaytarılması ilə bağlı qaydalarda borc əsas məbləğ və faizlər üzrə fərqləndirilmədiyi üçün kompensasiya bankın vətəndaşa olan ümumi borcuna tətbiq olunur. Yəni, faizlər ilə birlikdə vətəndaşa ümumi əmanəti 17 min manatdan çoxdursa, o halda kompensasiya ödənilmir. Bu da o deməkdir ki, 15 min manat əmanəti olan və 3 min manat divident hesablanan, ancaq faziləri götürməyən şəxsin qorunmayan əmanəti geri qaytarılmır".

Картинки по запросу vüqar bayramov

"Kreditlərə kompensasiya verilən zaman qalıq məbləğin əsas götürüldüyünü nəzərə alaraq qorunmayan əmanətlərdə də məbləğ 17 min manat çox olduğu halda əsas məbləğə əsasən ödəniş həyata keçirilməsi daha məqsədəuyğun olar. Bu halda dividentlər ilə ümumi alacaqları 17 min manatdan çox olan vətəndaşlarımız da kompensasiya ala biləcəklər", - deyə V.Bayramov qeyd edib.

 

İqtisadçının sözlərinə görə, məbləği 17 min manatdan az olan üçün əsas borc meyar olaraq götürülə bilər: "Bu baxımdan, CESD qorunmayan əmanətlərin qaytarılması zamanı məbləği 17 min manat və ya 10 min dollardan çox olan hallarda bankın vətəndaşa olan ümumi borcuna deyil, əsas əmanət məbləğin nəzərə alınmasını təklif edir. Bu da o deməkdir ki, ümumi alacağı 18 min manat olan, amma əsas məbləği 15 min manat olan vətəndaşımızın da müflis olan bankdakı qorunmayan əmanətinin qaytarılmasına ehtiyac var".

Müəllif: Ayna.az      21 Oktyabr 2019 13:31
İqtisadiyyat bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin