Bərdərə ağır avomobil qəzası baş verib, bir ailənin 5 üzvü yaralanıb - VİDEO

Bərdərə ağır avomobil qəzası baş verib, bir ailənin 5 üzvü yaralanıb -       VİDEO

Faktla bağlı araşdırma aparılır

 

Bərdə rayonunda yol-nəqliyyat hadisəsi baş verib. AYNA "Report"a istinadən xəbər verir ki, Qarabağ Mərkəzinin verdiyi məlumata görə, hadisə Yevlax-Bəhrəmtəpə yolunun rayonun Bəciravan kəndi ərazisində qeydə alınıb.

 

Belə ki, "Mitsubishi" markalı minik avtomobili yolun əks tərəfi ilə hərəkətdə olan "Zil" markalı yük maşını ilə toqquşub. Eyni istiqamətdə hərəkətdə olan "Mercedes" markalı minik avtomobili də "Zil"ə çırpılıb.

 

Nəticədə "Mitsubishi" markalı minik avtomobilinin sürücüsü, Füzuli rayon sakini, 1982-ci il təvəllüdlü Qorxmaz Kamal oğlu Ağayev və sərnişinləri, Füzuli rayon sakinləri - 1991-ci il təvəllüdlü Aygün Mahir qızı Ağayeva, 2014-cü il təvəllüdlü Gülay Qorxmaz qızı Ağayeva, 2015-ci il təvəllüdlü Kamal Qorxmaz oğlu Ağayev və 2019-cu il təvəllüdlü Ayxan Qorxmaz oğlu Ağayev müxtəlif dərəcəli bədən xəsarətləri ilə Bərdə Rayon Mərkəzi Xəstəxanasına aparılıb. 

Xəsarət alanlardan A.Ağayevin vəziyyəti ağır olduğundan o, reanimasiya şöbəsinə yerləşdirilib.

 

Qeyd edək ki, xəsarət alanlar bir ailənin üzvləridir.

 

Faktla bağlı araşdırma aparılır.

 

Müəllif: Ayna.az      21 Oktyabr 2019 12:49
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin