Bakıda ikiarvadlı kişi qanı su yerinə axıdıb

Bakıda ikiarvadlı kişi qanı su yerinə axıdıb

O, həyat yoldaşına 10, qayınanasına isə 16 bıçaq zərbəsi vurub

 

Oktyabrın 16-sı günorta saatlarında işsiz, ikiarvadlı şəxs Bakının Binəqədi rayonunda ağır qətl törədib. AYNA xəbər verir ki, cinayətin təfərrüatı barədə axu.az-a hüquq-mühafizə orqanlarından məlumat verilib.

 

Məlumata görə, ailə münaqişəsi zəminində, 1971-ci il təvəllüdlü Vaqif Hüseynov, 40 yaşlı həyat yoldaşı Təranə İsmayılovanı və 85 yaşlı anası Louise İsmayılovanı bıçaqlayıb. Kişi arvadına 10, qayınanasına isə 16 bıçaq zərbəsi vurub.

 

Sonra V.Hüseynov meyitlərin üstünə benzin tökərək evi yandırıb. Yanğınsöndürmə briqadaları hadisə yerinə gələndə cəsədlər, demək olar ki, tamamilə yanmış olub. Qatil cinayət yerindən qaçmağa çalışsa da, Azadlıq prospektində sərnişin avtobusu onu vurub. Nəticədə, təqsirləndirilən şəxs xəstəxanaya yerləşdirilib.

 

İlkin istintaq zamanı Vaqif Hüseynovun ikiarvadlı olduğu məlum olub. Birinci həyat yoldaşı Bərdə rayonunda, ikincisi - T.İsmayılova isə Bakıda yaşayır. Əvvəllər xuliqanlıqda ittiham olunan və heç bir yerdə işləməyən V.Hüseynov sonuncu həyat yoldaşı ilə 5-6 ay əvvəl evlənib.

 

Başqa bir arvadın varlığını öyrənən T.İsmayılova həyat yoldaşından ayrılmaq qərarına gəlib. Nahar masasında başqa bir kişi ilə şəkil çəkdirən qadın, bu fotoları “WhatsApp”da ərinə göndərib. Qadın onu bu yolla boşanmağa məcbur etmək istəyib.

 

Ancaq ikiarvadlının reaksiyası fərqli olub. Belə ki, kişi özü ilə benzin qabı götürüb və qaynanasının evinə gedib. Əvvəlcə V.Hüseynov həyat yoldaşına bıçaqla hücum edib. Qayınanası qızını qorumaq istəsə də, qəzəbli kişi ona da bir neçə zərbə vurub. Gerisini isə artıq bilirsiniz.

 

Hazırda faktla bağlı Binəqədi Rayon Prokurorluğu tərəfindən araşdırma aparılır.

Müəllif: Ayna.az      17 Oktyabr 2019 14:38
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin