Azərbaycanlı beynəlxalq dərəcəli hakim “Qızıl diplom”a layiq görülüb

Azərbaycanlı beynəlxalq dərəcəli hakim “Qızıl diplom”a layiq görülüb

Rza Əliyev Beynəlxalq Gimnastika Federasiyası tərəfindən təltif olunub

 

Kişi və qadın idman gimnastikası üzrə beynəlxalq dərəcəli hakim Rza Əliyev “Uzun müddətli fərqlənən hakimlik” fəaliyyətinə görə Beynəlxalq Gimnastika Federasiyası (FIG) tərəfindən təltif olunub.

 

AYNA Azərbaycan Gimnastika Federasiyasının rəsmi saytına istinadən xəbər verir ki, hakimə “qızıl diplom” hazırda Almaniyanın Ştutqart şəhərində keçirilən idman gimnastikası üzrə 49-cu dünya çempionatı (4-13 oktyabr) ərəfəsində təqdim olunub.

 

Qeyd edək ki, bu diplom 16 il (4 Olimpiya dövrü) ərzində Olimpiya Oyunları, Dünya Çempionatı, Yeniyetmələrin Olimpiya Oyunları, Ümumdünya Yaş Qrupu Yarışlarında qüsursuz fəaliyyətə görə verilir.

 

Xatırladaq ki, Rza Əliyev Azərbaycanın gimnastika tarixində ilk dəfə olaraq, kişi idman gimnastikası üzrə ən yüksək - 1-ci dərəcəli beynəlxalq hakimlik kateqoriyasına malikdir.

 

Müəllif: Ayna.az      11 Oktyabr 2019 21:39
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin