"Qırmızı Körpü"də gizlinin üstü açılıb

"Qırmızı Körpü"də gizlinin üstü açılıb

Avtomobildə siqaret və spirtli içkilər aşkarlanıb

 

Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan idarə etdiyi "Opel Astra" markalı avtomobil ilə gələn Azərbaycan Respublikası vətəndaşı saxlanılıb və şifahi sorğu-sual olunub.

 

Dövlət Gömrük Komitəsinin (DGK) Mətbuat və İctimaiyyətlə Əlaqələr İdarəsindən AYNA-ya verilən məlumata görə, sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.

 

Nəqliyyat vasitəsinin yoxlanması zamanı salonda oturacaqların içərisində və arxa yük bölməsində örtüyün altında gizlədilən 1800 ədəd "Marlbro Filter Plus" markalı siqaret və üzərində "Nemiroff Original" yazılan 4 ədəd 1 litrlik spirtli içki aşkarlanıb.

 

Faktla bağlı araşdırma aparılır.

Müəllif: Ayna.az      3 Oktyabr 2019 11:47
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin