Əsas səhifə Haqqımızda Xəbər lenti

Sabah Marsa helikopter uçacaq

Sabah Marsa helikopter uçacaq

NASA helikopterinin ilk uçuşu aprelin 19-na planlaşdırılıb

 

NASA-nın əvvəlcə aprelin 11-də həyata keçirməyi nəzərdə tutduğu “Ingenuity” helikopterinin Mars planetində ilk uçuşu indi bazar ertəsi gününə planlaşdırılır. AYNA xarici mediaya istinadən bildirir ki, helikopter-dronun ilk uçuşu ABŞ-ın Şərq sahili vaxtı ilə saat 3:30-da (Bakı vaxtı ilə 11:30) nəzərdə tutulub.

 

Bu barədə məlumat uçuş başa çatdıqdan bir neçə saat sonra yetişəcək. Bu, tarixdə Yer kürəsi hüdudlarından kənarda ilk uçuş olacaq.

 

Qeyd edək ki, fevralın 18-də “Ingenuity” Marsda gəzən aparat (Perseverance) vasitəsilə Ezero kraterinə gətirilib. “Perseverance” uçuş zamanı helikopterə dəstək təmin edəcək, fotoşəkillər çəkəcək, ətraf mühit barədə məlumat toplayacaq. Təxminən 20-30 saniyə davam edəcək ilk uçuş zamanı helikopter Mars planetinin səthindən üç metr hündürlüyə qalxacaq. Sonrakı uçuşlar zamanı hündürlük beş metrə qədər artırılacaq.

Müəllif: Ayna.az      18 Aprel 2021 19:06
Maraqlı bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin