Əsas səhifə Haqqımızda Xəbər lenti

Fransada məscid yandırılıb

Fransada məscid yandırılıb

Məscidin ətrafında içində benzin olan kanistrlər tapılıb

 

Fransanın Nant şəhərində naməlum şəxslər Arrahma məscidini yandırıblar.

 

AYNA “Report”a istinadən xəbər verir ki, bu barədə yerli KİV bildirib.

 

Qeyd edilir ki, hadisə zamanı məscidə maddi ziyan vurulub, giriş qapısı tamamilə yanıb. Məscidin ətrafında içində benzin olan kanistrlər tapılıb.

 

Fakt üzrə araşdırmalara başlanılıb. Hazırda müstəntiqlər hadisənin səbəbini və yanğının mənbəyini müəyyənləşdirmək üçün videomüşahidə kameralarındakı qeydləri araşdırırlar.

 

Fransanın Müsəlman Məzhəbi Şurası (CFCM) özünün tvitter səhifəsində hadisəni pisləyib. Təşkilat hadisəni nifrətin təzahürü və qəbuledilməz hərəkət adlandırıb.

 

Bu, son vaxtlar Fransada məscidlərə hücumla bağlı ilk hadisə deyil. Daha əvvəl Bayonn şəhərində də məsciddə namaz vaxtı naməlum şəxsin açdığı atəş nəticəsində iki nəfər yaralanıb. Hadisəni törədən şəxs Sen Martin de Senan yaşayış məntəqəsindəki evində şübhəli şəxs qismində həbs edilib. Cinayətkarın həmçinin məscidə neftlə dolu kanistr atdığı bildirilir.

Müəllif: Ayna.az      10 Aprel 2021 07:12
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin