Əsas səhifə Haqqımızda Xəbər lenti

Media nümayəndələri Zəngilana səfər ediblər

Media nümayəndələri Zəngilana səfər ediblər

Səfər Ekologiya və Təbii Sərvətlər Nazirliyinin təşkilatçılığı ilə həyata keçirilib

 

Aprelin 7-də Ekologiya və Təbii Sərvətlər Nazirliyinin təşkilatçılığı ilə media nümayəndələri Zəngilan rayonuna səfər ediblər.

 

AYNA-nın xəbərinə görə, səfərin məqsədi işğal dövründə Zəngilan rayonu ərazisində məhv edilmiş meşə sahələrinə, xüsusi mühafizə olunan təbiət ərazilərinə, istismar edilmiş mineral xammal yatağına, rayonun hidroqrafiyasına və digər təbii sərvətlərə baxış keçirilməsidir.

 

Kütləvi informasiya nümayəndələri əvvəlcə Zəngilan şəhərinin girişində, meşə fondunda terras üsulu ilə salınmış meşə sahəsinə baxış keçirəcək və ərazidə ağaclar əkəcəklər.

 

Sonra Zəngilan rayonunun Vənədli kəndi yaxınlığında qiymətli Araz palıdı meşə sahəsinə, Sarıqışlaq kəndi yaxınlığında yerləşən "Zəngilan əhəng xammalı yatağı"na, Ördəkli kəndində yerləşən Bəsitçay Dövlət Təbiət Qoruğunun ərazisinə baxış keçirəcəklər.

Müəllif: Ayna.az      7 Aprel 2021 10:59
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin