Əsas səhifə Haqqımızda Xəbər lenti

Evdən məişət əşyaları oğurlayan dəstə saxlanılıb - VİDEO

Evdən məişət əşyaları oğurlayan dəstə saxlanılıb -     VİDEO

Onların əməllərindən zərərçəkən başqa vətəndaşlar varsa, DİN-in “102” Zəng Mərkəzinə məlumat verə bilərlər

 

Sabunçu rayonunda evlərdən oğurluq edən dəstə saxlanılıb.  Bu barədə AYNA-ya Daxili İşlər Nazirliyinin (DİN) Mətbuat Xidmətindən bildirilib.

 

Qeyd edilib ki, Sabunçu Rayon Polis İdarəsinin (RPİ) 42-ci Polis Bölməsinin əməkdaşlarının həyata keçirdikləri əməliyyat nəticəsində Ləhiş bağlarında yerləşən yeni tikilməkdə olan evlərdən birindən oğurluq edən şəxslər saxlanılıblar.

 

Əməliyyat zamanı əvvəllər məhkum olunmuş paytaxt sakinləri Mahir İsmayılov, Samir Həsənzadə, eləcə də Asim Hüseynov və Samir Yusifov tutulublar.

 

Araşdırma zamanı onların qeyd edilən bağ evindən iki ədəd ümumi dəyəri 3 000 manat olan kombi aparatları, həmçinin digər məişət əşyaları oğurladıqları məlum olub.

 

Qeyd edək ki, oğurlanan kombi aparatları S.Həsənzadənin yaşadığı evdən aşkar olunaraq maddi sübut kimi götürülüb.

 

Faktla bağlı 42-ci Polis Bölməsində toplanan materiallar Sabunçu RPİ-nin İstintaq Şöbəsinə göndərilib, araşdırmalar davam etdirilir. Bu şəxslərin paytaxt ərazisində digər analoji cinayətlər törətdikləri də istisna olunmur.

 

Onların əməllərindən zərərçəkən başqa vətəndaşlar varsa, bu barədə ərazi üzrə polis idarə, şöbə və bölmələrinə, habelə DİN-in “102” Zəng Mərkəzinə məlumat verə bilərlər.

Müəllif: Ayna.az      23 Mart 2021 17:35
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin