Əsas səhifə Haqqımızda Xəbər lenti

Külək bir neçə yerdə qaz xətlərini yararsız hala salıb

Külək bir neçə yerdə qaz xətlərini yararsız hala salıb

Hadisə Binə və Yeni Binə qəsəbələrində, 1-ci Mədən ərazisində baş verib

 

Güclü külək nəticəsində Xətai rayonu, Ramiz Quliyev küçəsində ağac qaz xəttinin üzərinə aşıb. "Azəriqaz"dan AYNA-ya verilən məlumata görə, "Qobu park-1" yaşayış massivində 3 və 4 saylı binaların arasında güclü külək diametri 57 mm olan qaz xəttini dirəklərdən yerə salıb.

 

Abşeron rayonu, 28 May qəsəbəsi, dəmir yolunun yanında güclü külək nəticəsində daş hasar diametri 89 mm olan qaz xəttinin üzərinə aşıb. Binə qəsəbəsi və Yeni Binə yaşayış massivini qazla təmin edən qaz xətləri də güclü küləyin təsirindən yararsız hala düşüb. Binəqədi rayonu, 1-ci Mədən, korpus 9 ünvanında aşan daş hasar diametri 25 mm olan qaz xəttini və 2 ədəd sayğacı yararsız hala salıb. Bütün qəza briqadaları iş başındadır.

Müəllif: Ayna.az      7 Mart 2021 15:54
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin