Əsas səhifə Haqqımızda Xəbər lenti

Hulusi Akar helikopter qəzasının ilkin səbəbini açıqlayıb

Hulusi Akar helikopter qəzasının ilkin səbəbini açıqlayıb

Hulusi Akar: “Hadisənin dəqiq səbəbi ətraflı araşdırmadan sonra müəyyənləşdiriləcək”

 

Türkiyənin şərqində hərbi helikopterin qəzaya uğraması qəfil pisləşən hava şəraiti üzündən baş verib.

 

AYNA Türkiyə mətbuatına istinadən xəbər verir ki, bu barədə ölkənin milli müdafiə naziri Hulusi Akar bildirib.

 

“İlkin məlumatlara və şahidlərin ifadələrinə görə, helikopterin qəzaya uğraması qəfil pisləşən hava şəraitinə görə baş verib”, - o deyib.

 

“Hadisənin dəqiq səbəbi ətraflı araşdırmadan sonra müəyyənləşdiriləcək”, - Akar əlavə edib.

 

Nazir qeyd edib ki, faciənin ilk dəqiqələrindən etibarən müvafiq dövlət idarələri axtarış-xilasetmə işləri, yaralananların və həlak olanların cəsədlərinin evakuasiyası üçün bütün qüvvələri səfərbər edib.

 

Qeyd edək ki, Türkiyənin şərqində hərbi helikopterin qəzaya uğraması nəticəsində 11 hərbçi həlak olub, dördü yaralanıb.

Müəllif: Ayna.az      5 Mart 2021 07:30
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin