Əsas səhifə Haqqımızda Xəbər lenti

Azərbaycana gətirilən külli miqdarda soğan yararsız çıxdı

Azərbaycana gətirilən külli miqdarda soğan yararsız çıxdı

Qeyri-sağlam qida məhsullarının ölkə ərazisinə keçirilməsinin qarşısı alınıb

 

Azərbaycan Respublikasının Qida Təhlükəsizliyi Agentliyi (AQTA) tərəfindən ölkəyə idxal olunan qida məhsullarına nəzarət tədbirləri çərçivəsində qeyri-sağlam qida məhsullarının ölkə ərazisinə keçirilməsinin qarşısı alınıb.

 

AQTA-dan AYNA-ya verilən məlumata görə, Ukrayna Respublikasında “ALİKEND” özəl müəssisəsi tərəfindən istehsal olunan və “İMPORT TRADE AZ” MMC tərəfindən ölkəmizə idxal edilən 20.51 ton soğan məhsulu partiyasına agentliyin müfəttişləri baxış keçirib. Baxış zamanı idxal olunan məhsuldan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Müayinələr nəticəsində nitratın kütlə payının texniki normativ hüquqi aktların tələblərinə uyğun olmadığı aşkar olunub.

 

Agentlik tərəfindən istehlaka yararsız məhsulların satış şəbəkəsinə daxil olunmasının qarşısı alınıb. Hazırda qanunvericiliyin tələbləri çərçivəsində müvafiq tədbirlər görülür.

Müəllif: Ayna.az      22 Fevral 2021 13:41
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin