Rusiyada fabrikdə dağıntılar: 3 nəfər ölüb

Zavodun baş mühəndisi və daha iki məsul şəxsi saxlanılıb

Rusiyanın Krasnoyarsk vilayətindəki Norilsk dağ-mədən emalı fabrikində dağıntılar baş verib. AYNA Rusiya mediasına istinadən bildirir ki, hadisə nəticəsində 3 nəfər ölüb, 5 nəfər isə ağır yaralanıb.

Hadisənin baş verməsində təqsirli bilinən zavodun baş mühəndisi və daha iki məsul şəxsi saxlanılıb.

Məlumata görə, sabah Norilsk şəhərində matəm elan olunacaq.