Əsas səhifə Haqqımızda Xəbər lenti

Təhsilsiz sənətkarlara diplom - Peşəni özləri öyrənənlərə sertifikat lazımdır?

Təhsilsiz sənətkarlara diplom - Peşəni özləri öyrənənlərə sertifikat lazımdır?

Qiymətləndirmənin necə aparılacağını təsəvvür etmək çətindir, çünki peşələrin siyahısı kifayət qədər genişdir

 

Diplomların iş sahəsindəki uğurlarda rolu çox vaxt şişirdilir. Əlbətdə ki, ali təhsil tələb edən peşələr var. Ancaq əmək bazarında peşə təhsilinin kifayət etdiyi bir çox ixtisaslar var. Bəziləri isə heç bir diplom olmadan həyatları boyu çox uğurla işləyirlər. Peşəni bir ustaya şagird olaraq, mənimsəyənlərdən danışırıq.

 

Dizaynerlər, fotoqraflar, İT peşələri nümayəndələri, xidmət sektorunda işləyənlər, bərbərlər, aşpazlar və s. arasında öz-özünə öyrənənlər çoxdur.

 

Artıq belə insanlar da öz bacarıqlarını nümayiş etdirməyə və buna görə sənədli qiymətləndirmə imkanı əldə edirlər. Bu münasibətlə Azərbaycanın təhsil naziri Emin Əmrullayev “Facebook” səhifəsində bir müraciət yayımladı. O, Təhsildə Keyfiyyət Təminatı Agentliyinin qeyri-formal yollarla qazanılan bilik, bacarıq, səriştə və təcrübəyə yüksək qiymət verdiyini bildirdi. Bu baxımdan, bir vətəndaş quruma müraciət edə bilər və ixtisası üzrə qiymətləndirmədə birbaşa iştirak edə bilər. Qiymətləndirmə komissiya tərəfindən aparılacaq və yüksək nəticə göstərənlərə sertifikat veriləcək.

 

Nazirlər Kabinetinin fərmanı ilə təsdiq edilmiş Qaydalara əsasən, peşələrinin bütün modulları üzrə atestasiayadan keçmiş vətəndaşlara ilk peşə təhsilinə uyğun dövlət diplomu verilir.

 

Təhsil Nazirliyi yanında İctimai Şura sədrinin müavini, təhsil sahəsi üzrə ekspert Nadir İsrafilov AYNA-ya bildirib ki, hazırda əmək bazarında peşəni qeyri-formal yollarla öyrənərək, özünütəsdiq edənlər çoxdur və bu, böyük ölçüdə peşə təhsil sisteminin uzun müddətdir tənəzzüldə olması ilə əlaqədardır. Əslində bu təhsil növü SSRİ-nin dağılmasından sonra itirildi və yalnız Peşə Təhsili haqqında Qanunun qəbulu və Peşə Təhsili Agentliyinin yaradılması ilə canlanmağa başladı.

 

Onun fikrincə, hazırda çalışdıqları və ya gələcəkdə çalışacağı ixtisas üzrə təhsil müəssisələrində təhsil almayanların bilik və bacarıqlarını təsdiqləyən sənəd alması vacibdir. Bəzən elə vəziyyət yaranır ki, bir insan məktəbdə, texniki məktəbdə və ya universitetdə oxumaq və ya təhsilini davam etdirmək imkanı əldə edə bilmir.

 

“Hər halda, işə qəbul zamanı işəgötürən adətən müraciət edən şəxsin iş üçün hansı təhsili aldığına, hansı kursları bitirdiyinə, hansı sertifikat və diplomlarına sahib olduğuna baxır. Buna görə də, belə bir diplom bir mükafata çevrilə bilər, bunun sayəsində işçi əmək bazarında üstünlüklərə sahib olacaq”, - deyə ekspert bildirib.

 

Onun sözlərinə görə, təhsil sistemindəki yanaşmaların dəyişdiyinə sevinməmək olmur. İxtisas üzrə qiymətləndirmənin bu yaxınlarda başladığını və nəticələrin nə olacağını söyləməyin çətin olduğunu vurğulayan N.İsrafilov qeyd edib ki, bir müddətdən sonra çatışmazlıqların olub - olmadığını və onları necə düzəldəcəyini anlamaq üçün hər şeyi təhlil etmək lazımdır.

 

“Xidmət-iş” Həmkarlar İttifaqları Federasiyasının vitse-prezidenti Cəmaləddin İsmayılov qiymətləndirmədən keçmək istəyənlərin sayının çox olacağına inanmır. Əsasən bunlar karyerasının başlanğıc mərhələsində olan gənclər olacaq.

 

“Prinsipcə, xidmət göstərən şəxs üçün uyğun sənədin olması istehlakçıların qərar vermələrinə və əmək bazarında kifayət qədər olan diletantların toruna düşməməyə kömək edə bilər. Ancaq uzun illərdir işləyən, öz müştəri bazasına sahib olanların artıq qiymətləndirməyə ehtiyacları yoxdur. Onları buna vadar edə biləcək tək hal, fəaliyyət göstərmək üçün bir lisenziyaya ehtiyac duyulduğu situasiya ola bilər. Lisenziya isə lazımi sənədlərlə təhsil sübutu olmadan verilə bilməz”,- İsmayılov deyib.

 

Onun sözlərinə görə, ümumiyyətlə, insan öz sahəsinin mütəxəssisidirsə, həmişə müştərisi olacaq: “Beləliklə, heç bir diplomu olmayan bəzi bərbərlərə əvvəlcədən bir ay növbəyə yazılırlar, bəzilərində bir dəstə diplom və sertifikat ola bilər, amma heç kim onların yanına getmir, çünki işin keyfiyyətini və ya ona yanaşmanı xoşlamırlar”.

 

“Mənim İT sahəsində çalışan bir tanışım var. Heç bir diplomu yoxdur, amma bu işəgötürəni narahat etmədi. Əsas odur ki, peşəsində inkişaf etmək üçün lazımi biliklərə və istəklərə sahib olsun”,- İsmayılov qeyd edib.

 

Mütəxəssisin fikrincə, qiymətləndirmənin necə aparılacağını təsəvvür etmək çətindir, çünki peşələrin siyahısı kifayət qədər genişdir və komissiya qiymətləndirəcəkləri peşə nümayəndələrindən ibarət olmalıdır: “Belə çıxır ki, bərbərləri qiymətləndirmək üçün peşəkar bərbərlərdən komissiya cəlb etmək, dərziləri qiymətləndirmək üçün peşəkar dərzilərdən və s. Bu, olduqca problemli görünür. Və ola bilsin ki, mühakimə edənlər mühakimə etdikləri şəxslərdən daha az peşəkar olsunlar”.

Müəllif: Elya Belskaya      22 Fevral 2021 13:25
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin