Əsas səhifə Haqqımızda Xəbər lenti

Şəmkirdə qətl: mübahisə etdiyi bibisi oğlunu güllələdi

Şəmkirdə qətl: mübahisə etdiyi bibisi oğlunu güllələdi

Vasif Aslanov şübhəli şəxs qismində tutularaq istintaqa cəlb olunub

 

Şəmkirdə güllələnmə hadisəsi baş verib. Şəmkir Rayon Prokurorluğundan AYNA-ya verilən məlumata görə, hadisə yanvarın 21-də saat 20:00 radələrində Şəmkir rayonu, Qədimqala kəndində baş verib.

 

Kənd sakini, 1985-ci il təvəllüdlü Alıyev Bəxtiyar Adil oğlunun odlu silahdan açılan atəşlə öldürülməsi barədə rayon prokurorluğuna məlumat daxil olub.

 

Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

 

Aparılmış araşdırmalarla zərərçəkmişin dayısı oğlu, 1980-ci il təvəllüdlü Aslanov Vasif Elman oğlunun şəxsi münasibətlər zəminində aralarında yaranmış mübahisə zamanı ov tüfəngindən atəş açaraq, Bəxtiyar Alıyevi qəsdən öldürməsinə əsaslı şübhələr müəyyən edilib.

 

Faktla bağlı Şəmkir rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib. Vasif Aslanov şübhəli şəxs qismində tutularaq istintaqa cəlb olunub. Hazırda iş üzrə zəruri istintaq tədbirləri davam etdirilir.

Müəllif: Ayna.az      22 Yanvar 2021 10:56
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin