Əsas səhifə Haqqımızda Xəbər lenti

Zəfər muzeyi və memorial kompleks burada yerləşəcək – FOTO

Zəfər muzeyi və memorial kompleks burada yerləşəcək –       FOTO

Texnikalar əraziyə artıq gətirilib

 

Vətən müharibəsi memorial kompleksi və Zəfər muzeyinin yaradılması ilə bağlı hazırlıq işlərinə başlanılıb. AYNA-nın Trend-ə istinadən məlumatına görə, Vətən müharibəsi memorial kompleksi və Zəfər muzeyi Bakının əsas prospektlərindən biri hesab olunan Nobel prospektində yerləşəcək.

 

Sözügedən prospektlə Ağ şəhər bulvarı arasında olan boş ərazidə yeni park salınır ki, muzey və kompleksdə həmin parkda qurulacaq. Artıq bir neçə gündür ki, işlərə start verilib və Vətən müharibəsində ələ keçirilmiş düşmənin hərbi texnikaları əraziyə gətirilib.

 

İlkin ehtimallara görə, hərbi texnikalar açıq hava altında Bakı sakinləri və qonaqlar üçün nümayiş olunacaq.

 

Xatırladaq ki, dekabrın 3-də Prezident İlham Əliyev Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Sərəncam imzalayıb.

 

Vətən müharibəsi memorial kompleksi və Zəfər muzeyinin yaradılması Mədəniyyət Nazirliyi və Bakı Şəhər İcra Hakimiyyətinə həvalə edilib.

Fotoları təqdim edirik
Müəllif: Ayna.az      15 Yanvar 2021 15:50
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin