Əsas səhifə Haqqımızda Xəbər lenti

Goranboyda qanunsuz ov edən şəxslər saxlanılıb

Goranboyda qanunsuz ov edən şəxslər saxlanılıb

Saxlanılan şəxsdən 16 kalibirli ov tüfəngi və 4 ədəd patron götürülüb

 

Goranboyda qanunsuz ov edən şəxslər saxlanılıb. Bu barədə AYNA-ya Daxili İşlər Nazirliyinin (DİN) Mətbuat Xidmətinin Gəncə regional qrupundan məlumat verilib.

 

Bildirilib ki, Goranboy rayon Düzqışlaq kəndi ərazisində qanunsuz ov edən kənd sakini Müzadil Hüseynov rayon polis şöbəsinin əməkdaşları tərəfindən keçirilən əməliyyat tədbirləri nəticəsində saxlanılaraq Goranboy rayon Polis Şöbəsinə (RPŞ) gətirilib. RPŞ-də ondan müvafiq sənədləri olmayan, 16 kalibirli ov tüfəngi və 4 ədəd patron götürülüb.

 

Davam etdirilən tədbirlər nəticəsində rayonun Dəliməmmədli şəhər sakini Yusif Yusifovun da müvafiq sənədləri olmadan, “İJ” markalı, 12 kalibirli ov tüfəngi ilə rayon ərazisində qeyri-qanuni ovçuluqla məşğul olması aşkar edilib. Faktlarla bağlı araşdırmalar davam edir.

Müəllif: Ayna.az      4 Yanvar 2021 14:26
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin