Əsas səhifə Haqqımızda Xəbər lenti

Türkiyə niyə bizim üçün bu qədər cazibədardır?

Türkiyə niyə bizim üçün bu qədər cazibədardır?

Qardaş ölkədə mənzil almağa maraq göstərən azərbaycanlıların sayı artmaqdadır

 

Bu il vətəndaşlarımız Türkiyədə daşınmaz əmlak alınmasına yüksək maraq göstərdilər. Ötən ayların nəticələrinə əsasən, alıcılar arasında iranlılar, iraqlılar və ruslarla birgə azərbaycanlılar da ilk beşliyə daxil olublar.

 

Türkiyə Statistika Qurumunun (TÜİK) verdiyi məlumata görə, bu ilin oktyabr ayında azərbaycanlılar qardaş ölkədə 137 mənzil alıblar ki, bu da keçən ilin oktyabr ayındakı oxşar əməliyyatlardan 9,6% çoxdur. On ayın nəticələrinə görə, vətəndaşlarımız Türkiyədə 1020 mənzil alıblar ki, bu da əvvəlki ilin eyni dövrü ilə müqayisədə 66 ədəd və ya 6,9 % çoxdur. Yəni, pandemiyaya baxmayaraq, bu il azərbaycanlılar qardaş ölkədə aktiv olaraq mənzil almağa davam ediblər.

 

Dövlət Miqrasiya Xidməti yanında İctimai Şuranın sədri Azər Allahverənov AYNA-ya açıqlamasında, Türkiyə ilə sərhədlərin tam bağlı olmadığını və ölkələr arasında hava əlaqəsinin həyata keçirildiyini, xüsusilə Bakı-İstanbul və İstanbul-Bakı reyslərinin mütəmadi davam etdiyini xatırladıb: “Vətəndaşlarımız məcburi koronavirus testindən keçərək Türkiyəni ziyarət edə bilərlər. Eyni qaydalarla Türkiyə vətəndaşları da Azərbaycana səfər edə bilərlər. Sərhədlərin bağlı olmasına baxmayaraq, hava əlaqəsi trafiki olaraq var, miqrasiya mübadiləsi hava nəqliyyatı səviyyəsində həyata keçirilir”.

Azər Allahverənov: “Əlaqələrimizin inkişafını rusiyalı turistlərin sayında  görə bilərik”

Azərbaycanlıların Türkiyədə daşınmaz əmlaka marağına gəlincə, mütəxəssis hesab edir ki, qonşu ölkədə daşınmaz əmlaka investisiya yatırmaq vətəndaşlarımız üçün sərfəlidir: “Türkiyənin bəzi şəhərlərində daşınmaz əmlak almağı düşünən və sonradan satın alan vətəndaşlarımızla söhbətlər etmişəm. Bakıdakı qiymətləri müqayisə etsək, Türkiyənin böyük şəhərlərində mənzillər çox ucuzdur. Belə çıxır ki, maliyyə baxımından belə investisiya qoyuluşu daha faydalıdır. Məsələn, əlinizdə müəyyən bir kapitalın olması və bunu əmlaka yatırmaq fikrimiza varsa, bunu qonşu bir ölkədə etmək daha sərfəlidir. Buna əlavə olaraq, belə bir investisiya perspektivli sayılır, çünki müəyyən qədər gəlir əldə etmək imkanları yaradır. Məsələn, bəzi azərbaycanlılar Türkiyədə mənzillər alıb, sonra kirayəyə verirlər. Beləliklə, bir müddət sonra alışa xərclənən pulun bir hissəsi geri qayıdır”.

 

Bu gün Bakı haqqında eyni şeyi deyə bilməzsən. Pandemiya səbəbiylə paytaxtın çökən kirayə bazarı, Türkiyənin böyük şəhərləri ilə müqayisədə uduzur. Allahverənovun sözlərinə görə, kirayəyə verilməsi nəzərdə tutulan daşınmaz əmlakın əksəriyyəti bu gün pandemiya, qapalı iş yerləri, sərhədlərdəki məhdudiyyətlər və s. səbəbdən boş qalıb: “Bu və ya digər şəkildə, bütün bu proseslər potensial icarəçilərin ciddi şəkildə axınına gətirib çıxardı və bu da kirayə yerlərin qiymətinin azalmasına səbəb oldu. Eyni situasiya Türkiyə ilə bağlı deyilə bilməz. Bu gün Türkiyənin böyük şəhərlərində mənzil kirayəsi mövzusu olduqca aktualdır. Türk daşınmaz əmlakına sərmayə qoymağın, həm nisbətən daha aşağı dəyəri baxımından, həm də perspektivlər kontekstində - müəyyən bir müddətdən sonra sərfəli olduğu ortaya çıxır. Artan tələbin mənzərəsini tamamlamaq üçün: bəzi vətəndaşlarımız qonşu ölkəyə köçməyi planlaşdırırlar, bu da şəxsi mənzil mövzusunun xüsusilə onlar üçün aktual olduğunu göstərir”.

 

“Tələb yaradan daha bir komponent var - əhalimizin müəyyən hissəsi müxtəlif səbəblərdən qardaş ölkənin ərazisində yaşamağı planlaşdırır. Buna görə, mənzil kirayə götürməkdənsə, özlərinə orada mənzil satın almaları əlverişli və sərfəlidir. Üstəlik, İstanbulda və digər böyük şəhərlərdə kirayə ucuz deyil. Türkiyədəki kirayə qiymətinin yüksək olması da burada yaşayış sahələri almaq marağının artmasına səbəb olur. Bu ölkədə yaşamaq üçün icazəsi olan digər Azərbaycan vətəndaşları öz işlərini açmağı və ya muzdla iş tapmağı planlaşdırırlar - yəni, köçmək istəyənlərin müxtəlif səbəbləri ola bilər və orada öz evlərinə sahib olmaq bu prosesi asanlaşdırır. Son bir ildə mənzil alıb Türkiyəyə köçən insanlarımızla danışdım. Bir qayda olaraq, onlar bu ölkədə təhsil alan tələbələrin ailələrdir”, - İctimai Şura sədri bildirib.

 

Azərbaycanlılar arasında artan maraq kontekstində, başqa ölkələrdən gələn alıcılar arasında Türkiyədəki daşınmaz əmlaka olan tələbin nəzərəçarpacaq dərəcədə zəifləməsi maraqlıdır. Beləliklə, bu il oktyabr ayında əcnəbilər Türkiyədə 946 mənzil alıblar ki, bu da keçən ilə nisbətən 7,3% azdır. Eyni zamanda, bu ilin yanvar-oktyabr aylarında Türkiyədəki mənzillərin böyük bir hissəsi İran (5565), İraq (5074), Rusiya (2295) və Əfqanıstan (1502) vətəndaşları tərəfindən alınıb. Azərbaycan vətəndaşları isə, qeyd etdiyimiz kimi, Türkiyədəki daşınmaz əmlak əməliyyatları sayında liderlər arasında ilk beşlikdədirlər.

Müəllif: Tanya Samsonova      4 Dekabr 2020 19:52
Maraqlı bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin