Əsas səhifə Haqqımızda Xəbər lenti

Qazaxda 9 nəfər karantin qaydalarını pozub

Qazaxda 9 nəfər karantin qaydalarını pozub

Prokurorluq toplanmış materialları inzibati tənbeh tədbirinin tətbiq edilməsi üçün polisə göndərib

 

Qazax rayonunda xüsusi karantin rejiminin qaydalarını pozan doqquz aşkar edilib. AYNA xəbər verir ki, bu barədə Qazax Rayon Prokurorluğundan bildirilib.

 

Qeyd olunub ki, Nazirlər Kabinetinin 451 nömrəli, 19 noyabr 2020-ci il tarixli qərarına əsasən koronavirus infeksiyasının Azərbaycan Respublikasının ərazisində geniş yayılmasının qarşısının alınması məqsədilə açıq havadakı ictimai yerlərdə tənəffüs yollarını qoruyan fərdi vasitələrdən (tibbi maska, respirator və sair) istifadənin məcburi olduğu halda, 28 və 30 noyabr 2020-ci il tarixlərində Qazax rayon polis şöbəsindən rayon prokurorluğuna daxil olmuş materiallardan ümumilikdə doqquz nəfər şəxs tərəfindən bu tələbin pozulduğu müəyyən edilib.

 

Qazax rayon prokuroru tərəfindən Azərbaycan Respublikası İnzibati Xətalar Məcəlləsinin 211.1-ci (epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən inzibati xəta haqqında işlər üzrə icraatın başlanılmasına dair müvafiq qərarlar qəbul edilməklə, toplanmış materiallar inzibati tənbeh tədbirinin tətbiq edilməsi üçün aidiyyəti üzrə Qazax Rayon Polis Şöbəsinə göndərilib.

Müəllif: Ayna.az      1 Dekabr 2020 16:55
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin