Əsas səhifə Haqqımızda Xəbər lenti

“Vətən Müharibəsi Qəhrəmanı” adı haqqında əsasnamə təsdiq edilib

“Vətən Müharibəsi Qəhrəmanı” adı haqqında əsasnamə təsdiq edilib

Bu adı almış şəxslər qanunla müəyyənləşdirilmiş güzəştlərdən istifadə edəcək

 

Azərbaycan Respublikasının "Vətən Müharibəsi Qəhrəmanı" adı təsis edilir. AYNA xəbər verir ki, bu barədə məsələ Milli Məclisin iclasında müzakirə edilib.

 

Parlamentdə Azərbaycan Respublikasının "Vətən Müharibəsi Qəhrəmanı" adı haqqında Əsasnamə" təsdiq edilib.

 

Əsasnamədə qeyd olunub ki, Azərbaycan Respublikasının “Vətən Müharibəsi Qəhrəmanı” Azərbaycan Respublikasının ən ali fərqlənmə dərəcəsidir. “Vətən Müharibəsi Qəhrəmanı” adının xüsusi fərqlənmə nişanı - “Vətən Müharibəsi Qəhrəmanı” Azərbaycan Respublikasının medalıdır. “Vətən Müharibəsi Qəhrəmanı” medalının təsviri qanunla müəyyən olunur.

 

“Vətən Müharibəsi Qəhrəmanı” medalı döşün sol tərəfinə, digər orden və medallardan yuxarıda taxılır.

 

“Vətən Müharibəsi Qəhrəmanı” adı almış şəxsə aşağıdakılar təqdim edilir:

 

- “Vətən Müharibəsi Qəhrəmanı” medalı;

 

- “Vətən Müharibəsi Qəhrəmanı” adının verilməsi haqqında müvafiq icra hakimiyyəti orqanının müəyyən etdiyi orqanın (qurumun) aktı.

“Vətən Müharibəsi Qəhrəmanı” eyni şəxsə bir dəfə verilir. “Vətən Müharibəsi Qəhrəmanı” adı almış şəxslər qanunla müəyyənləşdirilmiş güzəştlərdən istifadə edir. “Vətən Müharibəsi Qəhrəmanı” adı almış şəxslər həmin addan Azərbaycan Respublikasının fəxri adları üçün müəyyən olunmuş qaydada məhrum edilir.

Müəllif: Ayna.az      20 Noyabr 2020 14:08
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin