Əsas səhifə Haqqımızda Xəbər lenti

Millətlər Liqasında daha bir oyun təxirə salınıb

Millətlər Liqasında daha bir oyun təxirə salınıb

Görüşün ləğvinə koronavirus pandemiyasını səbəb olub 

 

Futbol üzrə UEFA Millətlər Liqasında daha bir oyun ləğv edilib. AYNA xəbər verir ki, qrup mərhələsinin 6-cı turunun bu günə nəzərdə tutulan İsveçrə – Ukrayna matçı baş tutmayacaq.

 

Bu barədə Ukrayna Futbol Federasiyasının mətbuat xidməti məlumat yayıb. Görüşün ləğvinə koronavirus pandemiyasının səbəb olduğu diqqətə çatdırılıb. Məsələ burasındadır ki, Ukrayna millisinin 6 futbolçusunda yoluxma qeydə alınıb. Qarşılaşmanın taleyi ilə bağlı qərarı UEFA verəcək.

 

Ukrayna yığmasında koronavirus testi müsbət çıxan futbolçular Ruslan Malinovski, Sergey Krivtsov, Junior Moraes, Eduard Sobol, Yevgeni Makarenko və Dmitro Riznikdir. Onlardan başqa məşqçi İvan Baştovıda da koronavirus aşkarlanıb.

 

Qeyd edək ki, iki gün öncə Rumıniya – Norveç matçı da eyni səbəbdən təxirə salınmışdı.

Müəllif: Ayna.az      18 Noyabr 2020 02:45
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin