Əsas səhifə Haqqımızda Xəbər lenti

Qubada yaşadığı yeri tərk edən COVID-19 xəstəsinə xəbərdarlıq olunub

Qubada yaşadığı yeri tərk edən COVID-19 xəstəsinə xəbərdarlıq olunub

Həmin şəxsə törətdiyi əmələ hüquqi qiymət veriləcək

 

Qubada koronavirus xəstəsi icazəsiz yaşayış yerini tərk edib. Daxili İşlər Nazirliyinin (DİN) Mətbuat Xidmətinin Quba regional qrupundan AYNA-ya verilən məlumata görə, Quba rayon sakini Gülbaba Abdullayevə COVID-19 testinin pozitiv nəticəsinə görə ona ev şəraitində müalicə təyin edilib.

 

Lakin adı çəkilən şəxs təyin edilən qaydalara baxmayaraq, yaşayış yerini tərk edib və digər insanlar üçün real təhlükə yaradıb.

 

Polis şöbəsinin əməkdaşları tərəfindən qaydaları pozan və sakinlərin sağlamlığı üçün ciddi təhlükə yaradan G.Abdullayevin törətdiyi qanunazidd hərəkətin qarşısı dərhal alınaraq, yaşadığı ünvana qaytarılıb və tam sağalanadək evdən çıxmaması barədə ciddi xəbərdarlıq edilib.

 

Həmin şəxsin törətdiyi əmələ hüquqi qiymət verilməsi üçün RPŞ-nin İstintaq Bölməsində araşdırmalar aparılır.

Müəllif: Ayna.az      26 Oktyabr 2020 17:18
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin