Bayram günlərində bir tona yaxın istifadəyə yararsız ət aşkarlanıb

Bayram günlərində bir tona yaxın istifadəyə yararsız ət aşkarlanıb

Faktla bağlı qanunvericiliyin tələblərinə uyğun tədbirlər görüləcək

 

Qurban bayramı günlərində 851 kq istifadəyə yararsız ətin satışının qarşısı alınıb.

 

AYNA xəbər verir ki, Azərbaycan Respublikasının Qida Təhlükəsizliyi Agentliyi (AQTA) və Daxili İşlər Nazirliyinin (DİN) əməkdaşları tərəfindən birgə keçirilən monitorinq zamanı Səbail rayonu, Bayıl qəsəbəsində yerləşən heyvan kəsimi müəssisəsində 851 kq baytarlıq-sanitariya qaydalarına uyğun olmayan şəkildə saxlanılan, istifadəyə yararsız ət aşkar olunub.

 

Müəssisənin heyvan kəsimi və soyuducu sahəsinə baxış zamanı 851 kq heyvan cəmdəyində şübhə doğuran əlamətlər müəyyən edilib. Müəssisədə heyvan kəsimi dayandırılıb və ət satışına məhdudiyyət qoyulub.

 

Heyvan cəmdəyindən nümunələr götürülərək, Azərbaycan Qida Təhlükəsizliyi İnstitunun müvafiq laboratoriyalarına göndərilib.

 

Faktla bağlı qanunvericiliyin tələblərinə uyğun tədbirlər görüləcək.

Müəllif: Ayna.az      13 Avqust 2019 21:00
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin