Əsas səhifə Haqqımızda Xəbər lenti

Azərbaycanda diplomlarının tanınması proseduru təkmilləşdirilir

Azərbaycanda diplomlarının tanınması proseduru təkmilləşdirilir

“Təhsil haqqında” və “Peşə təhsili haqqında” qanunlara yeni anlayışın daxil edilməsi təklif olunub

 

“Təhsil haqqında” və “Peşə təhsili haqqında” qanunlara yeni anlayışın daxil edilməsi təklif olunur. AYNA xəbər verir ki, Milli Məclisin iclasında 1-ci oxunuşda müzakirəyə çıxarılan qanun layihələrinə yeni-kvalifikasiya anlayışının daxil edilməsi təklif edilib.

 

“Təhsil haqqında” Qanunun müvafiq maddələrində “xarici dövlətlərin ali təhsilə aid kvalifikasiyası” anlayışının daxil edilməsi, eləcə də, “xarici ölkələrin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası)” ifadəsinin “xarici dövlətlərin ali təhsilə aid kvalifikasiyalarının tanınması” ifadəsi ilə əvəz edilməsi təklif olunur.

 

Bununla da ali təhsil diplomlarının tanınması proseduru təkmilləşdiriləcək, tanınan sənədlərin əhatə dairəsi genişləndiriləcək ali təhsilə aid olan və ya ali təhsilə qəbul olunmaq imkanı verən subbakalavr diplomlarının da tanınma imkanı və proseduru yaradılacaq.

 

Müzakirəyə çıxarılan “Peşə təhsili haqqında” qanun layihəsi “Təhsil haqqında” qanunda dəyişiklik edilməsi barədə qanun layihəsinə uyğun olaraq hazırlanıb və terminologiyanın eyniləşdirilməsi məqsədi daşıyır.

 

“Peşə təhsili haqqında” qanunda kvalifikasiya anlayışı belə verilir: “kvalifikasiya – şəxsin müvafiq standartlara uyğun bilik, bacarıq, səriştə və təcrübəyə malik olduğunun dövlət təhsil sənədi ilə təsdiq edilməsidir”. Qanun layihələri səsverməyə çıxarılaraq, birinci oxunuşda qəbul edilib.

Müəllif: Ayna.az      20 Oktyabr 2020 16:12
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin