Düşmən Ağdama top mərmisi atdı: bir nəfər yaralanıb

Düşmən Ağdama top mərmisi atdı: bir nəfər yaralanıb

Yaşayış evinə isə külli miqdarda ziyan dəyib

 

Ermənistan silahlı qüvvələri 10 oktyabr 2020-ci il tarixdə saat 12:00-dan etibarən elan edilmiş humanitar atəşkəs rejiminin tələblərini kobud şəkildə pozmaqla dinc mülki əhaliyə qarşı cinayət əməllərini davam etdirir. AYNA-nın xəbərinə görə, bu barədə Baş Prokurorluq məlumat yayıb.

 

Bildirilib ki, 17.10.2020-ci il tarixdə saat 21 radələrində düşmən tərəfin silahlı birləşmələrinin Ağdam rayonunu müxtəlif istiqamətlərdən intensiv raket və ağır artilleriyadan atəşə tutması səbəbindən Mahrızlı kənd sakini, 1981-ci il təvəllüdlü Həsənov Ramil Kamal oğlu yaşadığı evin həyətinə top mərmisinin düşməsi nəticəsində müxtəlif dərəcəli bədən xəsarətləri alıb, yaşayış evinə isə külli miqdarda ziyan dəyib.

 

Hazırda prokurorluq əməkdaşları tərəfindən mövcud şəraitdə mümkün olan bütün istintaq tədbirləri həyata keçirilir.

 

 

Müəllif: Ayna.az      18 Oktyabr 2020 10:31
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin