Əsas səhifə Haqqımızda Xəbər lenti

Mehriban Əliyeva: "Gəncə - qədim dövlətçiliyimizin beşiyidir"

Mehriban Əliyeva: "Gəncə - qədim dövlətçiliyimizin beşiyidir"

Birinci vitse-prezident: "Təcavüzkar heç vaxt öz çirkin məqsədlərinə nail olmayacaq"

 

Azərbaycanın Birinci vitse-prezidenti Mehriban Əliyeva Ermənistanın Gəncə terroru ilə bağlı instaqram hesabında paylaşım edib.

 

AYNA-nın xəbərinə görə, paylaşımda deyilir:

 

"Bu gecə erməni təcavüzkarları Gəncəyə xaincəsinə hücum ediblər.

 

Niyyət sadə və eyni zamanda, dəhşətlidir – mümkün qədər çoxsaylı dinc sakinləri məhv etmək, panika yaratmaq, Azərbaycan xalqını qorxutmaq.

 

Lakin təcavüzkar heç vaxt öz çirkin məqsədlərinə nail olmayacaq. Bu şanlı şəhərin sakinləri ruhən çox güclüdürlər! Gəncə - Nizamidir, Məhsətidir, Vazehdir! Lakin Gəncə təkcə Azərbaycanın mədəni irsi deyil.

 

Gəncə - qədim dövlətçiliyimizin beşiyidir.


Bu, sarsılmaz dözüm, mərdlik və igidlik rəmzidir!


Gəncə Cavadxanın yurdudur. Bu şəhər Şərqdə ilk demokratik cümhuriyyətin müstəqilliyi uğrunda sona qədər vuruşmuş şəhərdir.


Gəncə Azərbaycanın döyünən ürəyidir və heç kəs heç vaxt onun sakinlərinin məğrur ruhunu sındıra bilməz!"

Müəllif: Ayna.az      17 Oktyabr 2020 21:26
Siyasət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin