Bərdədə iki qonşu torpaq davasında bir-birini bıçaqladı

Bərdədə iki qonşu torpaq davasında bir-birini bıçaqladı

Hər iki yaralı xəstəxanaya yerləşdirilib

 

Bərdə rayonunda bıçaqlanma hadisəsi baş verib. Hadisə rayonun Lənbəran kəndi ərazisində qeydə alınıb. AYNA virtualaz.org-a istinadən xəbər verir ki, kənd sakinləri - 1957-cü il təvəllüdlü Şəmsəddin Səlimovla 1957-ci il təvəllüdlü Elman Qasımov əkin sahəsində mübahisə ediblər.

 

Torpaq üstündə düşən dava qanla bitib. Hadisə zamanı Ş.Səlimov üstündə olan bıçaqla qonşusu E. Qasımovun kürəyindən bir bıçaq zərbəsi endirib.

 

Yaralı E.Qasımov xəstəxanada tibbi yardım aldıqdan sonra xəstəxananı özbaşına tərk edərək Bərdə şəhəri ərazisində (Köhnə bazar adlanan ərazidə) ona xəsarət yetirən Ş.Səlimovu tapıb və qisasını almaq üçün onun ayağına bıçaq xəsarəti yetirib.

 

Hər iki yaralı Bərdə Rayon Mərkəzi Xəstəxanasına yerləşdirilib.

 

Faktla bağlı araşdırma aparılır.

Müəllif: Ayna.az      10 Avqust 2019 08:04
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin