Əsas səhifə Haqqımızda Xəbər lenti

Gəncədə orta məktəb fəaliyyətini dayandırıb? – Rəsmi CAVAB

Gəncədə orta məktəb fəaliyyətini dayandırıb? – Rəsmi       CAVAB

“Məktəb binası 28 nömrəli tam orta məktəb olaraq öz fəaliyyətini davam etdirir”

 

Gəncə Şəhər Təhsil İdarəsi (GŞTİ) şəhərdə 46 nömrəli orta tədris müəssisəsinin fəaliyyətinə xitam verilməsi ilə bağlı yayılan xəbərlərə münasibət bildirib.

 

AYNA xəbər verir ki, GŞTİ-nin məlumatına görə, Gəncə şəhər 46 nömrəli tam orta məktəb ilə 28 nömrəli tam orta məktəb birləşdirilərək yeni məktəb binası tikilib: “Məktəb binası 28 nömrəli tam orta məktəb olaraq öz fəaliyyətini davam etdirir. Məlumat üçün bildirək ki, 46 nömrəli tam orta məktəbin şagirdləri təhsillərini 28 nömrəli tam orta məktəbdə davam etdirəcəklər. Pedaqoji heyət isə iş fəaliyyətini Gəncə şəhər ümumtəhsil məktəblərində davam etdirəcək. Bundan başqa bildirək ki, məktəb binası Mənzil İnşaatı Dövlət Agentliyi tərəfindən Azərbaycan Bayrağı küçəsində salınan yaşayış kompleksində inşa edilib”.

 

“1170 şagird üçün nəzərdə tutulan məktəbdə hazırda 840 nəfər şagird təhsil alır. Məktəb binası 4 mərtəbədən, 5 korpusdan, 56 sinif otağından (1 ədəd məktəbəqədər, 15 ədəd ibtidai, 29 adi sinif otağı) ibarətdir. Məktəbdə kitabxana, fizika, kimya, biologiya laboratoriyaları, informatika, əmək və hərbi kabinetlər yaradılıb. Məktəb üçün həmçinin 136 yerlik yeməkxana, 387 yerlik akt zalı, 540 kvadrat metrlik idman zalı ən müasir tələblər səviyyəsində qurulub”, - deyə açıqlamada vurğulanıb.

 

Qeyd edək ki, bu gün yerli mətbuatda Gəncədəki 46 nömrəli məktəbin fəaliyyətini dayandırması barədə məlumat yayılıb.

 

Müəllif: Ayna.az      19 Sentyabr 2020 14:21
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin