Əsas səhifə Haqqımızda Xəbər lenti

Belarus sərhədləri bağlayır

Belarus sərhədləri bağlayır

Lukaşenko: "İlk növbədə Litva və Polşa ilə dövlət sərhədini bağlamağa məcburuq"

 

Belarus Litva və Polşa ilə sərhədləri bağlayır, Ukrayna ilə sərhədi isə möhkəmləndirəcək.

 

AYNA “Qafqazinfo”ya istinadən xəbər verir ki, bu barədə Belarus Prezidenti Aleksandr Lukaşenko Minsk-arenada keçirilən “Belarus üçün” qadın forumunda çıxışı zamanı deyib. O, hər üç ölkənin xalqına müraciət edərək öz siyasətçilərini dayandırmağa və onları “qaynar müharibə”nin başlanmasına imkan verməməyə çağırıb.

 

“Biz qoşunlarımızı küçələrdən çıxarmağa, ordunun yarısını səfərbər etməyə, qərblə, ilk növbədə Litva və Polşa ilə dövlət sərhədini bağlamağa məcburuq. Böyük təəssüf hissi ilə qardaş Ukrayna ilə dövlət sərhədini gücləndirməyə məcburuq. Mən Rusiya prezidenti və Müdafiə naziri ilə birlikdə İttifaq dövlətinin ümumi müdafiəsini qurmaq məcburiyyətindəyəm. Biz çoxdan planlaşdırılan hərbi təlimləri başlatdıq”, - deyə Lukaşenko bildirib.

 

O əlavə edib ki, ölkəsində müharibə görmək istəmir:

 

“Eyni zamanda Belarusla yanaşı, Polşa və Litvanın da hərbi əməliyyatların teatr səhnəsinə çevrilməsini istəmirəm. Orada bizim problemlər həll olunmayacaq. Bu səbəbdən mən Litva, Polşa və Ukrayna xalqına müraciət edirəm: ağılsız siyasətçilərinizi dayandırın, müharibənin başlamasına imkan verməyin”.

Müəllif: Ayna.az      18 Sentyabr 2020 02:31
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin