“Neftçi” 40 yaşlı mütəxəssislə müqavilə bağlayıb

“Neftçi” 40 yaşlı mütəxəssislə müqavilə bağlayıb

Elşən Poladov klubun məşqçilər korpusuna təyinat alıb

 

“Neftçi”nin əvəzedicilərdən ibarət komandasının məşqçilər korpusuna yeni təyinat olub. AYNA klubun rəsmi saytına istinadən bildirir ki, Elşən Poladov bundan sonra komandada qapıçılar üzrə məşqçi vəzifəsini yerinə yetirəcək. 40 yaşlı mütəxəssislə bir il müddətinə müqavilə bağlanıb.

 

Qeyd edək ki, Poladov “Xəzər” (Sumqayıt), “Kimyaçı” (Sumqayıt), OİK (Bakı), “Şəfa” (Bakı), “Dinamo” (Bakı), “Bakı”, “Turan” (Tovuz), “Şəmkir”, “Olimpik” (Bakı), “Kəpəz” (Gəncə), “İnter” (Bakı) klublarında oynayıb.

 

“Bakı” və “İnter”lə Azərbaycan çempionu, “Şəfa” və “Bakı” ilə ölkə kubokunun qalibi olub. 2017-ci ildə futbolçu karyerasını bitirəndən sonra məşqçiliyə başlayıb. “Sumqayıt”ın U-16 və U-17 komandalarında çalışıb.

Müəllif: Ayna.az      14 Sentyabr 2020 03:09
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin